१३ सेप्टेम्बर २०१५, काठमाण्डौ- नेपाली कांग्रेस, नेकपा एमाले र राप्रपा लगायत दलका सभासदले संविधान निर्माण प्रक्रिया रोकेर मधेसवादी दलसँग वार्ता नगर्न आग्रह गर्दै तीन दलका शीर्ष नेतालाई ज्ञापन पत्र बुझाएका छन् ।आइतबार संविधान सभामा सुदुरपश्चिमका ४० सभासदले संविधान निर्माण प्रक्रियासँगै मधेसवादी दलसँग वार्ता गर्न आग्रह गर्दै ज्ञापन पत्र बुझाएका हुन् ।कांग्रेस नेता रमेश लेखकले संविधान निर्माण प्रक्रिया अघि बढिसकेकोले तीन दलले असन्तुष्ट मधेसवादी दलसँग वार्ता गर्दै अगाडि बढ्नु पर्ने बताए ।उनले अखन्ड सुदुरपश्चिमलाई संविधान संशोधन गर्दै टुक्र्याउने चर्चा चलको बताउँदै अखन्ड सुदुरपश्चिमलाई अखण्ड नै छाड्न माग गरेका छन् । उनले भने, 'कसैको माग पुरा गर्न संशोधन गरे हामीलाई मान्य हुँदैन । सुदुरपश्चिमलाई टुक्र्याउने काम नगरियोस् ।'
No comments :
Post a Comment