मधेशीको आन्दोलनमा अन्तराष्ट्रिय समर्थन रहेको मधेशी नेताको दाबी

६ सेप्टेम्बर २०१५, काठमाण्डौ तराई मधेस लोकतान्त्रिक पार्टीका अध्यक्ष महन्थ ठाकुरले सरकारको रंगभेदी र विभेदकारीकारी नीति अवम्लवन गरेकाले मुुलुक विखण्डनको दिशातिर गएको टिप्पणी गरेका छन् । उनले आफूहरुको आन्दोलनमा अन्तराष्ट्रिय समुदायको समर्थन रहेको समेत बताए । यसबारेमा प्रमुख दलका एकजना नेतासँग कुरा गर्दा मधेशी नेताको विश्व भारत भएकाले त्यसो भनेको हुन सक्ने भन्दै ब्यांग्य गरे ।

फाइल तस्वीर

आइतबार जनकपुरमा पत्रकारहरुसँग कुरा गर्दै अध्यक्ष ठाकुरले सरकारसँग वार्ताको अब कुनै सम्भावना नरहेको समेत बताए । ‘सरकारले वार्ताको ढोका बन्द गरेको छ । अब वार्ता हुने कुनै सम्भावना छैन,’ उनले भने ।

‘आन्दोलनलाई अन्तराष्ट्रिय समर्थन’

अध्यक्ष ठाकुरले आफूहरुको आन्दोलनमा विदेशी राष्ट्रहरुको समर्थन रहेको दाबी समेत गरे । उनले भने, ‘सरकारसँग विगतमा भएका सहमति र हामीले आन्दोलन गर्नुको कारणबारे जानकारी गरायौं । अन्तराष्ट्रिय समुदायले समेत आन्दोलन जायज छ भनेका छन् ।’

उनले आगामी २५ गते मोर्चाको बैठक बस्ने र आन्दोलन सशक्त पार्ने चेतावनी दिए । अध्यक्ष ठाकुरले अब मधेसी जनता अधिकार प्राप्तिकालागि अन्तिम र निर्णायक लडाईं लड्ने बताए ।