आइएस लडाकुलाई फाँसी

एजेन्सी । आफ्नो कब्जामा रहेका बन्दीहरुको घाँटी काटेर हत्या गर्ने आईएसका दुई लडाकुलाई जोर्डन सरकारले फाँसीको सजाय दिएको छ ।

जोर्डनी विमान चालकको जिउँदै जलाएर हत्या भएको केही समयपछि नै जोर्डनको कब्जामा रहेका दुई लडाकुलाई पनि फाँसी दिइएको हो ।

जोर्डन सरकारले उक्त घटनालाई पाईलट मोएज अल कसासबेहलाई जिउँदै जलाएको बदला भएको जनाएको छ ।

जोर्डनमा बन्दी रहेका आइएस लडाकु महिला सजिदा अल रिसावी र जिआद अल कार्बौलीलाई फाँसी दिइएको हो ।

जोर्डनका जनताले आइएस लडाकुलाई फाँसी दिएकोप्रति खुसियाली मनाएका छन् । फाँसी लगत्तै सडकमै उत्रिएर जनताले खुसियाली मनाएको बेलायती अनलाईन डेली मेलले जनाएको छ ।