एकीकृत नेकपा माओवादीका अध्यक्ष प्रचण्डलाई हेग र अख्तियारको बन्धनबाट मुक्त गर्न कांग्रेस र एमाले तयार नभएसम्म नयाँ संविधानमा सहमति जुट्न नसक्ने निश्चित भएको छ । केही विदेशी एजेन्सीहरु विशेषतः युरोपेली युनियन आवद्ध मुलुकका कूटनीतिज्ञहरुले प्रचण्डलाई युद्ध अवराधको मुद्दामा कुनै पनि बेला हेग पुग्ने भयले सबैभन्दा
त्रसित बनाएको रिपोर्ट ठाउँ–ठाउँमा दिएका छन ।त्यस्तै अख्तियारले ४२ अर्ब भ्रष्टाचार केसमा कुनै पनि बेला थुन्ने त्रास पनि उनको टाउकोमाथि मडारिएको छ । प्रचण्डले कांग्रेस र एमालेका शीर्ष नेताहरुसँगको बैठकमा पटक पटक आफूमाथि ठूलो षडयन्त्र हुनसक्ने आशंका जनाउँदै आएका छन ।
उनको घुक्र्याउने शैलीमा कांग्रेस र एमाले नेताहरुलाई ‘तपाईहरुले मलाई युद्ध अपराधमा हेग पठाउने वा अख्तियार लगाएर जेलहाल्ने षडयन्त्र गरिरहनुभएको छ, मलाई सबै थाहा छ ।’ कांग्रेस र एमालेका नेताहरुले प्रचण्डलाई जतिसुकै आश्वासन दिएपनि उनले विश्वास गर्न नसकेकै कारण संविधानमा सहमति जुट्न नसकेको लगभग ओपन सेक्रेट तथ्य हो ।
स्रोतका अनुसार प्रचण्डले यो विषयमा भारत लगायत युरोपेली युनियन र संयुक्त राष्ट्रसंघका प्रतिनिधिहरुसमक्ष समेत राखिसकेका छन । कांग्रेस र एमालेको विश्वास नभएकाले संविधान बनेपछि आफ्नो उपादेयता सकिने र उनीहरुले युद्ध अपराध वा भ्रष्टाचारको केस लगाउन सक्ने प्रचण्डभित्रको ठूलो त्रासका कारण उनले संविधान जारी गर्न नचाहेको समाचार साँघु साप्ताहिकले छापेको छ ।
No comments :
Post a Comment