१८ जनावरी २०१६, काठमाण्डौ- नेपाली कांग्रेसका केन्द्रिय सदस्य गगन थापाले आफू पनि नयाँ शक्तितिर लाग्ने भन्दै चलाइएको हल्ला मानिसहरुको दिवाश्वप्न मात्र भएको बताएका छन् । ‘बाबुराम भट्टराईको नयाँ शक्तिमा म पनि लाग्दैछ भन्ने चर्चा चलाइएको छ, त्यो निराधार हो । म पार्टीको महाधिवेशनमा केन्द्रित छु,’ प्युठानको बाग्दुल प्रेस युनियनले आयोजना गरेको पत्रकार भेटघाटमा उनले भने ।
उनले पहिलो पुस्ताका शीर्ष नेताहरु अभिभावक, अहिलेका महामन्त्रीहरुको पुस्ता सभापति र आफ्नो पुस्ता महामन्त्रीको भूमिकामा हुनुपर्ने पनि बताए । ‘यसपालि युवा महामन्त्री हुन्छ । हाम्रो पुस्ता निर्णायक तहमा पुग्यो भने हामी कांग्रेसलाई नयाँ पनि बनाउँछौं,’ गगनले भने ।
No comments :
Post a Comment