२६ नोभेम्बर २०१५, मोरङ्ग- मोरङमा मधेसी मोर्चाका कार्यकर्ताले एक व्यक्तिलाई पेट्रोल छर्किएर जिउँदै जलाउने प्रयास गरेका छन्। भाथिगाछ-७ निवासी बब्लु राजवंशी आफ्नो वडा नं २ स्थित ग्यारेजमा पेट्रोल बोकेर जाँदै गर्दा मोर्चा कार्यकर्ताले रोकेर आक्रमणको प्रयास गरेका थिए।
राजवंशीले प्रतिकार गर्न खोज्दा उनैले बोकेको पेट्रोल छर्किएर आगो लगाइएको पीडितका आफन्तले बताए। आगो लागेर आधा शरीर जलेका राजवंशीलाई धरानस्थित विपी कोइराला अस्पताल घोपा लगिएको छ। उपचारका लागि कोशी अञ्चल अस्पताल पुर्याइएका उनलाई त्यहाँ उपचार सम्भव नभएपछि थप उपचारका लागि धरान लगिएको छ ।
No comments :
Post a Comment