निरन्तर आइरहेको भुकम्पको धक्काका कारण सर्व-साधारणमा त्रास बढ्दै, पाैने १२ बजेसम्म ४ माथिका ६ धक्का

३० बैसाख २०७२,  काठमाडौ–राष्ट्रिय भूकम्प मापन केन्द्रले बुधबार बिहान बाह्र बजेदेखि अाज  पौने बाह्र बजेसम्म चार रेक्टर स्केल माथिका छ वटा भूकम्प रेकर्ड गरेको छ। अहिले १२: ३४ मा  ४ दशमलव ६ र १२:३८ मा ५ दशमलव १ रेक्टरस्लेका दुई वटा भूकम्प भएका छन् । यी दुवै भूकम्पकाे केन्द्रविन्दु दाेलखामा थियाे ।

यी भुकम्पमध्ये बिहान ३:१० मा धादिङ केन्द्र विन्दु भएको सबैभन्दा ठूलो ५.९ रेक्टर स्केलको भुकम्प गएको थियो । यसैगरी काठमाडौ केन्द्र विन्दुको ४.२ रेक्टर स्केलको भूकम्प राती २ः०७ मा गएको थियो । यसले काठमाडौ हल्लाएको थियो । अहिलेसम्म काठमाडौ केन्द्र विन्दु भएका चार रेक्टर स्केल माथिका ९ वटा भूकम्प गइसकेका छन् ।

यसैगरी बिहान ४:३८ मा दोलखा केन्द्र विन्दुको ४.३ रेक्टर स्केलको, दोलखा केन्द्र विन्दुको बिहान ८:०८ बजे ४.४ रेक्टर स्केलको, बिहान ८:२८ बजे दोलखा केन्द्र विन्दुमा ४.४ रेक्टरको, दोलखा केन्द्र विन्दुमा पछिल्लो पटक १०ः३३ बजे ४.६ रेक्टर स्केलको भूकम्प गएको छ ।

केन्द्रले मंगलबार दिउँसो १२:५० यता चार रेक्टर स्केलका ३९ वटा भूकम्प रेकर्ड गरेको छ । यसमा ६ देखि ७ रेक्टर स्केलबीचका दुई वटा, ५ देखि ६ रेक्टर स्केलका १० वटा र ४ देखि ५ रेक्टर स्केलबीचका २७ वटा भूकम्प रेकर्ड गरेको छ ।

बैशाख १२ गते यता ४ रेक्टर स्केलका भूकम्प २०२ वटा गएको केन्द्रका भूकम्पविद मुकुन्द भट्टराईले जानकारी दिए । यी सबै भूकम्प गोरखा, रसुवा, नुवाकोट, धादिङ, सिन्धुपाल्चोक, दोलखा, काभ्रेपलान्चोक र काठमाडौ केन्द्र विन्दुमा गएका छन ।

भूकम्पविद भट्टराईका अनुसार बैशाख १२ को भूकम्पले दोलखादेखि गोरखाबीचका चट्टानहरुका बनाएको धाँजाहरुमा पराकम्पनहरु आइरहेको जानकारी दिए । उनका अनुसार बारपाक केन्द्र विन्दु भएको पहिलो शक्तिसाली भूकम्पले चिरा पारेको चट्टानबाट पराकम्पनहरु निस्किरहेका छन् ।

१२ गतेको ७.६ रेक्टर स्केलको भूकम्प र त्यसपछिका पराकम्पनले गोरखादेखि दोलखाबीचको करिब १सय ३० किलोमिटर लम्बाई र करिब ३० किलोमिटर चौडाईबीचमा धक्का दिइरहेका छन् । गोरखा, नुवाकोट, रसुवा, धादिङ, काठमाडौ, काभ्रेपलान्चोक, सिन्धुपाल्चाक र दोलखाबीचमा पुराकम्पनहरु आइरहेका छन् । बारपाक भूकम्पपछि यी क्षेत्र भूकम्पका दृष्टिकोणले तत्काललाई संवेदनशील भएका छन् ।

भूकम्पवीदहरुका अनुसार पाँच रेक्टर स्केल भन्दा कमलाई साना, पाँचदेखि ६ रेक्टरबीचको लाई मध्यम, सातदेखि ८ रेक्टर स्केललाई शक्तिशाली र आठ रेक्टर स्केल भन्दा माथिका लाई महाभूकम्प भनिन्छ ।

युरोएसियन र इण्डियन प्लेटोबीचको घर्षणबाट उत्पन्न उर्जाले गर्दा भूकम्प गइरहेको छ । इण्डियत प्लेटाको गोरखादेखि दोलखाबीचका खण्डलाई भूकम्पविदहरुले संवेदनशिल क्षेत्र भनेका छन् । बिहीबारसम्म भूकम्पको संख्या हरेक दिन कम हुदै गएको थियो । तर शुक्रबार यसको संख्या अलि बढेको देखियो ।

- See more at: http://www.nagariknews.com/main-story/story/37958.html#sthash.GwrwYG2p.jmsU8u5W.dpuf